Este venres 23 de febreiro, con motivo da celebración do Día de Rosalía de Castro, sete establecementos hostaleiros de Ribeira brindarannos a posibilidade de degustar un Caldo de Groria, xoia gastronómica reivindicada pola poeta de Padrón nos seus escritos. A listaxe de establecementos de Santa Uxía que se unen á celebración está formada polos seguintes locais: Recoveira, Cocoluche, Castelao, Plaza, Esmorga, Golimbreo e Pedra Pateira. O Caldo de Groria está inspirado no poema Miña casiña, meu lar na que a poeta explica como facer un caldo humilde e no que se relata a épica diaria da supervivencia.
Máis actividades en Ribeira
Ademais da degustación do caldo, o Concello de Ribeira vai celebrar as seguintes actividades con motivo deste 23 de febreiro:
· Rosalía de Castro na Biblioteca Pública Municipal de Ribeira. Cada persoa usuaria recibirá o agasallo dun libro e unha flor.
· Celebración no Auditorio Municipal para alumnado de Primaria.
Alborada! Música na honra de Rosalía con Ánxela Vidal Trabada, gaita e Sabela Galbán, frauta. No Conservatorio Profesional de Música Enrique Paisal.
Recital poético a cargo do alumnado do Conservatorio.
Como chove miudiño. Espectáculo de narración oral de Soledad Felloza
O público levará un recordo agasallo da Fundación Rosalía de Castro.
· Lectura pública dos versos de Rosalía de Castro ás 20.30 h na sala de exposicións do Centro Cultural Lustres Rivas. Micro aberto para toda a cidadanía que desexe homenaxear a Rosalía.
