Rianxo conmemora o 8M con coloquios, cinema, música en vivo e unha concentración da rapazada local na praza de Castelao

28 Febreiro 2024

A concelleira de Política Social de Rianxo, Ana Vidal, vén de facer pública a programación preparada co gallo do 8M, Día Internacional das Mulleres. Tal e como sinalou Vidal, a programación “xira en torno a tres eixos fundamentais: reivindicación, festa e saúde”. Os tres eixos incluirán actividades para públicos diversos.

A concelleira agradeceulle a colaboración ás entidades que, dunha maneira ou doutra, participan na programación: Mulleres Salgadas-Asociación Galega de Mulleres do Mar, a Asociación Festival Rock in Rian, o IES Félix Muriel, a Asociación Veciños Araño e a Comisión de Festas Do Araño.

A programación bota a andar o vindeiro sábado 2 de marzo cun coloquio con Mulleres Salgadas, unha charla protagonizada por cinco mulleres que traballaron toda a súa vida no mar. Será ás 11:30h no Cuartel Vello.

A axenda prosegue o 5 de marzo cunha charla sobre solo pélvico do ciclo Muller e Saúde, programada para o Auditorio de Rianxo (entre as 16.30 e as 20.30).

Días máis tarde, o 8 de marzo ás 12.00 horas, haberá unha concentración de mandís na praza de Castelao da vila rianxeira, protagonizada polo alumnado dos centros educativos do municipio. Nesa mesma xornada do 8 de marzo ás 20.00 horas, celebrarase un acto institucional ás 20.00 horas no Campo de Arriba que virá acompañado dun concerto de The Tetas Van.

O 12 de marzo, ao abeiro do ciclo Muller e saúde, desenvolverase un novo coloquio no Auditorio de Rianxo a partir das 16.30, desta volta centrado na menopausa.

O sábado 16 de marzo proxectarase o filme Matria nas Escolas Vellas de Atalaia (Asados) a partir das 20.00 horas. A axenda rematará o 19 de marzo a partir das 16.30 horas cun coloquio sobre a menarquía do ciclo Muller e saúde.

Outros artigos

Luns con sol e baixa das temperaturas máximas

Seguimos baixo a influencia anticiclónica pero con ventos de compoñente norte que afastarán as masas de aire cálido da semana anterior. Deste xeito agardamos néboas en comarcas do interior que se irán disipando deixando ceos moi abertos canto máis o sur de Galicia e...

+

Publicidade

Revista en papel

Opinión

“Enfermedades terminales”. José Manuel Pena

“Enfermedades terminales”. José Manuel Pena

Estos últimos días las visitas al hospital fueron frecuentes para acompañara un buen amigo que se encuentra viviendo unos difíciles momentos por sudelicado estado de salud. Esta circunstancia me abrió un poco más los ojos ala realidad del sufrimiento, el dolor, el...