Quince elaboracións culinarias integran a segunda edición do receitario da Pobra

01 Febreiro 2024

A Concellaría do Turismo da Pobra do Caramiñal lanzou a segunda edición do receitario Da praia ó prato, que compendia, ilustra e reivindica o que se pode degustar hostalaría local. En palabras da edil Estefanía Ramos, a publicación pretende “dar a coñecer os produtos tan marabillosos e de tanta calidade culinaria que nos proporcionan os nosos mares, os nosos mercados e as nosas praias, ao tempo que se valoriza o bo facer dos restaurantes aquí presentes”.

De feito, as quince receitas que no total integran esta nova remesa proporcionáronas once locais colaboradores: O Xanxo, A Batea do Castelo, A Casa de Manuel, Casa Manolo, El Olivo Blanco, Hotel Cabío, Mesón O Facho, Nojira, O Malecón, Sisal e Tertulia no Laño.

As técnicas municipais do Turismo, Ángeles Tubío e Sara Sánchez, tamén asistiron ao Xanxo, lugar onde tivo lugar o acto de presentación da reedición. Tubío explicou que esta iniciativa xurdiu como complemento do obradoiro de marisqueo a pé destinado a escolares e turistas, se ben o receitario tamén se distribuirá en feiras gastronómicas como Xantar, que se desenvolve en Ourense no mes de novembro; na propia oficina do turismo; nos restaurantes colaboradores; e no resto de locais que o soliciten.

Berberechos, ameixas, mexillóns, vieiras, navallas, ostras, centola, bacallau ou pescada son a materia dos pratos que compoñen o documento.

Os mexillóns en escabeche caseiro son a proposta do Xanxo. O seu propietario, Xanxo del Puerto, sinalou que se trata dunha receita sinxela cun resultado “de gran calidade e saboroso”. Tamén cualificou positivamente a súa experiencia neste proxecto ao “dar a coñecer moitos dos pratos típicos da zona e poñer en valor os nosos produtos” con distinguidas características alimenticias e sabor.

Outros artigos

Publicidade

Revista en papel

Opinión

“Manuel ¿para qué sirve la música?”. Manuel Dominguez III

“Manuel ¿para qué sirve la música?”. Manuel Dominguez III

Manuel ¿para qué sirve la música? ¿Te podrías imaginar un mundo, la vida sin música, podrías vivir en ese mundo? Te imaginas ir al campo, y que faltase ese cantar del Mirlo o del Jilguero, que el silencioso fuese, tal silencio que hasta faltase el ulular del viento....

“Pensando nun futuro mellor”. Luís Celeiro

“Pensando nun futuro mellor”. Luís Celeiro

“O mellor está por chegar” é unha expresión que se lle atribúe a aquel recoñecido poeta inglés,Robert Browning (1812-1889), que tantas veces reflexionou sobre o sentido da vida, o paso dotempo e a vellez das persoas e das cousas. Sobre a esperanza no futuro, que vén...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.