Os empresarios de Ribeira volven sacar á rúa a ruleta dos Días Tolos (con máis de 1.500 euros en premios)

20 Febreiro 2024

A Asociación de Empresarios de Ribeira organiza nesta recta final de febreiro unha nova campaña para impulsar o comercio do concello: a nova edición dos seus Días Tolos, que se celebra esta última fin de semana de febreiro. Incluirá, coma en anos anteriores e debido ao éxito colleitado, unha ruleta de premios en plena rúa.

Este ano participarán unha trintena de establecementos, igual que o ano anterior.

Segundo explica a patronal ribeirense, por cada tícket de compra dos negocios asociados adquiridos os días 23 e 24 (venres e sábado) de febreiro, o cliente terá dereito a unha tirada na ruleta emprazada na rúa de Galicia (á altura do Banco Santander) na que poderá conseguir diferentes premios. Por exemplo vales de compra, cuncas, bolsas, paraugas, plantas ou tíckets de aparcamento. En termos de contía, estamos a falar de máis de 1.500€ en premios.

A ruleta estará operativa na rúa de Galicia o sábado 24 desde as 11:30h ata a tardiña, ata esgotar existencias.

Esta campaña da Asociación de Empresarios de Ribeira está financiada pola Xunta de Galicia.

Outros artigos

Luns con sol e baixa das temperaturas máximas

Seguimos baixo a influencia anticiclónica pero con ventos de compoñente norte que afastarán as masas de aire cálido da semana anterior. Deste xeito agardamos néboas en comarcas do interior que se irán disipando deixando ceos moi abertos canto máis o sur de Galicia e...

+

Publicidade

Revista en papel

Opinión

“Enfermedades terminales”. José Manuel Pena

“Enfermedades terminales”. José Manuel Pena

Estos últimos días las visitas al hospital fueron frecuentes para acompañara un buen amigo que se encuentra viviendo unos difíciles momentos por sudelicado estado de salud. Esta circunstancia me abrió un poco más los ojos ala realidad del sufrimiento, el dolor, el...