Alerta dun verquido de combustible na praia de Coroso en Ribeira, relacionan a presenza dun obxecto no mar coa aparición dunha mancha de grandes dimensións

O persoal de Salvamento confirmou que a aparición deste obxecto, que resultou ser un bidón, nada ten que ver co vertido de combustible estendido pola praia.

O 112 Galicia tivo constancia deste suceso a través da chamada dun particular ao fío das 18:30 da pasada tarde. Segundo o seu relato, visualizaba un obxecto, o cal non podía identificar, flotando no mar do peirao de Ribeira. 

Axiña, os xestores do 112 Galicia pasaron o aviso a Salvamento Marítimo e ao Servizo de Gardacostas, que derivaron varias embarcacións ao punto co fin de averiguar de que se trataba. A maiores, tamén foron informados os membros do GAEM e os Bombeiros de Ribeira, os axentes da Garda Civil, da Policía Local e Autonómica, e os efectivos da Agrupación de Voluntarios de Protección Civil da localidade.

Con todo, o obxecto resultou ser un bidón, o cal foi retirado, pero foi neses intres cando atoparon a vertedura, que segundo se investigou, non garda ningunha relación ca aparición do mesmo. Debido a isto, tamén foi informado o Servizo de Protección da Natureza (SEPRONA), aínda que pola falla de luz, non foi posible comprobar o alcance da mancha.

Agárdase que coas primeiras horas do día os servizos de emerxencia volvan de novo ao punto co fin de esclarecer a procedencia e o alcance do vertido.