A Real e Ilustre Cofradía da Dorna de Ribeira publicou na Rede a ligazón específica para formalizarmos a inscrición na Sea Benéfica que organiza a entidade este mes de marzo co obxectivo de recadar fondos solidarios. A inscrición pode levarse a cabo na web da confraría, que lembra que o prezo da enchenta para sosios e sosias é de 40€, e de 45€ para os que aínda non se fixeron sosios (ou tamén chamados jodechinchos). A cita será o vindeiro 9 de marzo, na Torre das Xunqueiras, na Pobra do Caramiñal.
Ao termo da cea, a Real e Ilustre realizará un sorteo de diversos agasallos que foron doados por comercios locais. O diñeiro que se recade irá parar ao fondo social da entidade, que posteriormente decidirá a que causas o destina. Tamén está prevista a actuación dun DJ.
Coma en edicións anteriores, a asociación marcou un código de vestimenta para os comensais: “Levar algo na cabeza”. Haberá un premio para o complemento máis rechamangueiro e divertido.
De forma complementaria, están xa en marcha dous concursos de deseño, dos que sairán os debuxos que ilustrarán os suadoiros e os carteis desta edición da festa. En ambos os casos, o prazo concluirá o próximo 25.
🍽
