Iberdrola instalará tres comunidades solares en Galicia para beneficiar a medio milleiro de familias (unha delas en Boiro)

09 Febreiro 2024

A empresa eléctrica Iberdrola instalará nos municipios do Porriño (Pontevedra), Boiro (A Coruña) e Sarria (Lugo) tres comunidades solares que, segundo informou a compañía, “permitirán a 486 familias acceder ao autoconsumo e reducir a súa factura sen necesidade de contar cunha infraestrutura propia nin de realizar ningún tipo de investimento”.

Para poder optar a esta modalidade, os fogares interesados deberán residir nun radio inferior a dous quilómetros de distancia da cuberta onde estean situadas as placas fotovoltaicas e ter o contrato de electricidade con Iberdrola. Cando estean en marcha, as tres infraestruturas evitarán a emisión de 1.923 toneladas de CO2 en 30 anos. Segundo engade a empresa, “estímase que os beneficiarios obteñan unha redución da factura da luz anual de preto de un 40% en todos os casos”.

Os novos equipamentos dan continuidade ao primeiro proxecto destas características que a compañía eléctrica comercializou en Galicia no tellado dun taller na localidade pontevedresa de Moaña no principio do ano.

Polo que se refire á instalación da nosa comarca, estará situada nos tellados de Boiro Padel, en Boiro, e servirán para executar unha obra para a que Iberdrola proxecta emprazar 242 placas fotovoltaicas que xerarán unha enerxía de 144.851 kWh anuais e das que se poderán beneficiar 207 veciños. Terán unha potencia instalada de 111.3 kWp, dos cales 8 kWp serán para as pistas e o resto para as familias que o soliciten. Así mesmo, grazas a esta infraestrutura reduciranse en 800 as toneladas de emisións de CO2 en 30 anos. “Esta modalidade de autoconsumo comunitario permite aos usuarios compartir enerxía cento por cento renovable desde unha instalación situada nas inmediacións do seu domicilio axudando a construír un mundo máis sustentábel”, apuntaron fontes de Iberdrola.

En total, Iberdrola instalará 696 paneis entre as tres infraestruturas que xerarán 348.319 kWh de enerxía de carácter renovábel e que evitarán a emisión de 70 toneladas de CO2 anuais.

A empresa lembrou que desde o 2015 é “a primeira empresa do sector en integrar solucións de autoconsumo a unha oferta que permite mellorar a eficiencia e o aforro á vez que aposta pola aceleración da transición enerxética”.

Outros artigos

Sábado seguen os chuvascos e a temperatura mantense

O sábado seguiremos con chuvascos xeneralizados localmente acompañados de saraiba, perdendo frecuencia e intensidad co paso das horas. Durante á tarde achegarase unha fronte que deixará precipitacións en todo o territorio. As temperaturas mínimas non sufrirán cambios...

+

Publicidade

Revista en papel

Opinión

“Celebrando a  Rosalía de Castro”. Antía Pereira

“Celebrando a Rosalía de Castro”. Antía Pereira

“Celebrando a Rosalía e o seu día celebramos o que nos une, o que nos representa e o que nos move. Poucas figuras concitan ó seu redor a unanimidade que convoca Rosalía. E iso en boa medida porque ela soubo tocar as cordas, unha a unha, aínda que fose de distinto...