Froxán (Lousame) acolle esta “finde” unha nova plantación de autóctonas ao abeiro da rede Cousa de Raíces

21 Febreiro 2024

Cousa de Raíces, rede galega de colectivos a prol do bosque autóctono, vai organizar un ano máis unha acción simultánea baixo o lema Mirando polos nosos montes na que se desenvolverán, ao longo do sábado 24 e domingo 25 de febreiro, xornadas de eliminación de invasoras e plantación de autóctonas por todo o país, incluído o concello de Lousame, onde proseguirán na aldea sustentábel de Froxán os traballos para facer avanzar o noso bosque e erradicar invasoras.

Estas xornadas están convocadas por diferentes colectivos, organizacións e comunidades de montes veciñais que traballan a prol da restauración ambiental dos nosos montes.

A través destas convocatorias preténdese apelar a aqueles sectores da sociedade que rexeitan “o modelo forestal actual polo que continúa a apostar o Goberno da Xunta e dar visibilidade a aqueles colectivos e asociacións do ámbito forestal e ecoloxista que loitan por instaurar un modelo de monte diverso, multifuncional e sustentábel no que estea desterrado o monocultivo de eucalipto e a presenza doutras especies invasoras e poña en valor a importancia ambiental do bosque autóctono”.

Dende Cousa de Raíces lembran que o monocultivo de eucalipto implica uns efectos negativos sobre o medio ambiente constatados: erosión do solo, perda de biodiversidade, desprazamento das especies autóctonas, impacto sobre cursos fluviais e reservas hídricas, incremento e intensificación dos
lumes forestais, agravamento dos efectos do cambio climático, perda do patrimonio paisaxístico, etc.

Cousa de Raíces é unha campaña que xorde por iniciativa do colectivo ecoloxista ADEGA pero que está aberta á participación de todas as persoas, entidades e colectivos dispostas a traballar baixo un mesmo obxectivo: defender o noso bosque a través do seu coñecemento e posta en valor. Preto de 50 entidades, empresas, colectivos culturais, asociacións ecoloxistas e
investigadores se sumaron xa a esta causa, que continúa recollendo apoios.

Información xornadas convocadas

Friol: Plantación autóctonas

9:30h – no local de ADEGA Lugo dende onde se coordinarán os coches.

Organiza: ADEGA Lugo

Rebordelo (Cerdedo-Cotobade): Deseucaliptización

9:45h – na Casa do Pobo de Rebordelo

Organiza: Asociación Couto da Eirexiña.

Coiro (Cangas): Eliminación tradescantia

11h- no Muiño de Fausto.

Organiza: CMV Coiro.

Froxán (Lousame): Plantación autóctonas

10h – estacionamento do “Quartel da Revolta”.

Organiza: Fundação Montescola, Verdegaia, Brigadas Deseucaliptizadoras.

Rialdarca (Moaña): Desacaciación e plantación autóctonas

11h – no adro da Igrexa do Carme

Organiza: Equipo Estratexia Rialdarca.

As inscricións poden facerse en liña.


Outros artigos

Publicidade

Revista en papel

Opinión

“Plácido Vila”. Xulio Xiz

“Plácido Vila”. Xulio Xiz

Vivo na Milagrosa, onde hai tempo entrar no recinto murado era “ir a Lugo”, e agora – integrados mesmo nominalmente – o que antes parecía distante, a paso setentón faise en vinte minutos, e trinta se temos a ousadía de levar o coche. O centro de saúde da rúa...

“Ser joven en España”. José Castro López

“Ser joven en España”. José Castro López

La mayoría de las sentencias judiciales pasan desapercibidas. Otras, sin embargo, sonmuy llamativas porque el veredicto recae sobre aspectos muy sensibles de la vida socialo familiar. Como ha ocurrido en Italia.Hace unos meses un tribunal obligó a dos hombres de 40 y...