Gardacostas de Galicia deu por eliminado a mancha da vertedura de combustible que foi detectada na tarde do pasado luns na praia de Coros, en Ribeira.
A situación deuse por normalizada na mañá deste martes, cando o buque Ría de Vigo inspeccionou a zona para confirmar que non había rastro da vertedura.
A alerta saltou ás 18,30 horas do luns coa chamada dun particular ao 112 Galicia para avisar da presenza dun obxecto no mar na praia de Coroso, nas inmediacións do peirao.
O aviso puxo en marcha un operativo no que participou Gardacostas, Salvamento Marítimo e o Seprona, que enviaron medios á zona, na que detectaron a presenza dunha mancha de gasóleo.
A embarcación da Cruz Vermella ‘Hermes’ procedeu a retirar un bidón e, en colaboración coa Salvamar Sargadelos, actuaron para eliminar a mancha, obxectivo que lograron ás 20,15 horas do luns
O persoal enviado por Gardacostas ao areal ribeirense confirmou que a vertedura non afectaba a terra. Xa na mañá deste martes, o Ría de Vigo peiteou a zona en busca de restos e reiterou que a mancha se había disipado, segundo apuntan estas fontes.
