Dúas patrullas da Garda Civil de Milladoiro, Ames,interviron na detención dun dos irmáns Dalton de Ribeira que acumula un longo historial de delitos contra a seguridade viaria e roubos. Neste caso, a acusación é a de furto e uso de vehículo de motor (pilotaba un rechamante Volkswagen Golf de cor vermella) que foi subtraído este mércores dun taller emprazado en Teo.
Unha patrulla da Benemérita detectou pola matrícula que existía unha denuncia pola desaparición do turismo que nese momento estaba a circular pola avenida Rosalía de Castro de Milladoiro de forma perigosa. Ambas as circunstancias motivaron que se lle instase a deter a marcha, empregando as pertinentes sinales acústicas e luminosas. O suxeito, duns corenta anos, facía caso omiso, ata que detivo o automóbil e emprendeu a fuxida por unha das travesías perpendiculares. Alí foi capturado por unha segunda patrulla.
