A Área de Cultura de Outes, dirixida por Anxo Núñez, compartiu nas redes a táboa dos gañadores do Concurso de Disfraces do Entroido local que coincidiu os días pasados co Enterro da Sardiña.
O Concello agradeceu a implicación e a creatividade de todas as persoas e agrupacións participantes, e animounas “a volver o ano que vén”.
Na categoría infantil, o primeiro premio foi para O paso do tempo.
Na categoría grupos o primeiro premio foi para Las más grandes.
Na modalidade de categoría individual o primeiro premio foi para Vaia par de espantallos.
Na categoría de comparsas o primeiro premio foi dar a Trening Topip 2023.
O Enterro da Sardiña celebrouse o 14 de febreiro, xunto co Concurso de Disfraces e o desfile polas rúas da Serra.
No concurso repartíronse ate 2.970 € entre os mellores disfraces nas categorías de infantil, individual, grupos e comparsas.
