O Concello de Ribeira informou do arrinque dos traballos para a posta a punto da pista deportiva da parroquia de Castiñeiras, na remodelada contorna da Punta do Castro. Os labores están sendo desenvolvidos pola brigada municipal e comezaron esta semana, centrándose en mudar o peche perimetral da dita instalación.
Ademais, nos fondos instalarase un peche para pistas multideporte; e tamén será reparado o arame dos valos laterais.
Os traballos encádranse nunha liña estratéxica do Concello que consiste na optimización de tódalas áreas deportivas das parroquias do municipio.
