Vixiantes e persoal ao servizo da Xunta retiran das praias do Parque natural de Corrubedo sacos e pellets plásticos vertidos polo mercante Toconao

07 Xaneiro 2024
A directora xeral de Patrimonio Natural supervisou esta mañá o operativo de control e recollida do material arrastrado polo mar ata os areais deste espazo natural

Un operativo integrado por axentes medioambientais, vixiantes e persoal especializado ao servizo da Xunta percorre as praias do Parque Natural complexo dunar de Corrubedo e lagoas de Carregal e Vixán para detectar e proceder á retirada dos pellets plásticos que nas últimas xornadas están chegando á costa galega, tanto en sacos como de forma dispersa.

A directora xeral de Patrimonio Natural, Belén do Campo, achegouse esta mañá ata o Centro de recepción de visitantes para supervisar o dispositivo e desprazarse desde alí ata a algún dos areais afectados. Polo de agora, do Campo indicou que se retiraron sacos e pellets das praias de Ladeira, A Lagoa e O Vilar e continuarase peiteando os areais do parque na busca de posibles novos restos.

Ademais, explicou que ata o momento non hai constancia de que o material vertido causara danos sobre a biodiversidade da zona e asegurou que o persoal do seu departamento seguirá vixiante para poder anticiparse e intervir ante calquera posible incidencia na fauna e flora do parque natural.

O material que está chegando aos areais galegos procede do buque mercante Tocanao, que perdeu 6 contedores —un deles cargado con sacos de pellets plásticos que agora as correntes mariñas arrastran á costa— cando navegaba por augas portuguesas.

Ante esta situación a Xunta activou o Plan Territorial de Continxencias por Contaminación Mariña Accidental de Galicia (Plan Camgal) en nivel 1 e o servizo de Gardacostas mantén a vixilancia sobre todo o litoral, tanto por medios marítimos como terrestres, co obxectivo de detectar con axilidade a presenza destes materiais para que se poda proceder á súa recollida o antes posible.

Outros artigos

Domingo regresa o sol e empeza a subir a temperatura

Na xornada do domingo seguiremos con aire frío en altura xerando inestabilidade atmosférica. Unha situación que favorecerá a formación de chuvascos, localmente treboentos, máis probables e frecuentes no interior e nas horas centrais do día. As temperaturas mínimas...

+

Ribeira pon en valor o traballo das mulleres no mar

O Concello de Ribeira conmemorou o Día Internacional da Muller no Sector Marítimo rendendo unha homenaxe a tres mulleres extraordinarias que dedicaron as súas vidas a unha profesión fundamental para a nosa comunidade: o marisqueo. O concelleiro de Mar, Fernando...

+

Publicidade

Revista en papel

Opinión

“Día das Letras Galegas 2025”. Manuel Dominguez

“Día das Letras Galegas 2025”. Manuel Dominguez

Andrés do Barro, cantante, compositor de soul galego, grandes éxitos dende 1975 onde as linguas do Estado foron confinadas, censuradas, ata acadar o primeiro posto nas listas dos discos máis vendidos en España tres veces seguidas: primeiro en 1969 con O trem , logo en...