O servizo de recollida de téxtil que leva a cabo o Concello de Boiro xunto con Cáritas de Santiago recolleu no ano 2023 un total de 39.374 quilos de roupa para o seu tratamento.
Segundo lembra o Consistorio , o servizo comezou en Boiro no ano 2020 logo da sinatura dun convenio de colaboración entre o Concello de Boiro e Cáritas Diocesana de Santiago de Compostela para a colocación de contedores coa finalidade de recoller e tratar o residuo téxtil.
“A gran demanda”, sinala o Concello,” fixo que se fora incrementando o numero de contedores ata chegar aos seis que hai neste momento e que están instalados na praza da Mancomunidade, na igrexa de Santa Baia de Boiro, na rúa Principal, na estrada xeral de Cabo de Cruz e en Escarabotiño”.
Todo o material recollido nos colectores instalados é trasladado á planta da que dispón a empresa xestora para a súa clasificación segundo o destino final. Aqueles residuos que non poden ser reutilizábeis son tratados cun xestor integral de residuos para a súa reciclaxe e a reutilizábeis clasificase.
No ano 2023 rexistrouse un 26% de residuos téxtiles reutilizábeis e un 34% de roupa non reutilizábeis pero que se pode transformar para volver empregar.
