O Concello de Outes compartiu os nomes da veciña e da empresa gañadoras do concurso de decoración Nadal en Outes, unha actividade inserida na programación cultural e de lecer que organizou o Consistorio nestas festas que veñen de rematar. A edición deste ano contará con dúas categorías distintas: establecementos comerciais e particulares. O concurso, que tivo unha presenza destacada nas redes sociais, a través de Facebook e Instagram, estivo aberto ás persoas, a titulo particular, que adobiaran as fachadas, balcóns ou xardíns da súa propiedade; e establecementos comerciais e outras entidades (comercios, negocios ou outros establecementos públicos que decorasen as súas fachadas, escaparates ou vidreiras, etc).
Os gañadores da edición deste ano do concurso de decoración resultaron ser:
Na categoría de establecementos comerciais: Floristería Axerra
Na categoría de particulares: Nadal enRates, de Graciela Vara Especht
Dende o Concello agradeceron a todos os particulares e establecementos que participaron nesta edición e felicitaron ás gañadoras.
Estes son os premios que lles corresponden:
-Un premio para os establecementos comerciais de 150 euros.
-Un premio para particulares de 150 euros.
