Licitado o proxecto para a rehabilitación e pulo turístico do faro de Sálvora por 1,5 M€

12 Xaneiro 2024

Turismo de Galicia vén de licitar por 1,5M€ a obra de rehabilitación do faro de Sálvora, no concello de Ribeira, para converterse nun centro de interpretación no marco do Programa Xacobeo Next Generation posto en marcha pola Xunta de Galicia con fondos europeos para a rehabilitación e mellora de 12 Bens de Interese Cultural de titularidade pública.

O proxecto incluirá a rehabilitación do faro para darlle un novo uso de divulgación turística e tamén científica para o estudo do medio en forma de centro de interpretación dándolle un uso complementario.

Nas actuacións previstas proponse “conservar todas aquelas estancias primitivas do faro e eliminar e transformar outras de construción ou reforma posterior máis contemporáneas”. Na envolvente, substituirase a carpintería de madeira e de aluminio de vidros simples por unha de aluminio anodizado cor burdeos, limpeza da cantería, retirada da impermeabilización actual para impermeabilizar novamente e realizar illamento. Tamén se prevé a restauración e recuperación dos elementos de forxa.

Prazo de execución de 8 meses

No interior o proxecto inclúe algunhas demolicións para executar a nova distribución, instalacións de acabados, substitución de varandas exteriores e distintas adecuacións e restauración de portas, entre outras. No patio está prevista a recuperación de pavimentos antigos e, ademais, as actuacións tamén prevén pavimentar minimamente o acceso desde o peche ata o edificio, eliminar a beirarrúa perimetral e crear unha pavimentación máis ancha, entre outras accións.

O proxecto licítase por 1,5M€ e as obras terán un prazo de execución de 8 meses. As empresas interesadas en participar teñen 20 días naturais desde a publicación da licitación, polo que poderán facelo ata o 2 de febreiro ás 14.00 horas.

Outros artigos

Volve co Samaín o Claustro do Terror no Concello de Noia

Tras o éxito do ano pasado, regresa o II Claustro do Terror, que volverá converterse nun dos grandes protagonistas do Samaín de Noia. Novamente as persoas participantes terán que resolver un crime no Consistorio, e a resolución virá acompañada dun ambiente axeitado...

+

Publicidade

Revista en papel

Opinión

“Juan Magán” – Xulio Xiz

“Juan Magán” – Xulio Xiz

Estes días, Merce e máis eu, mergullámonos cada día no multitudinario ambiente festeiro, disfrutamos coa venerable presencia de Celtas Cortos e ousamos asistir ao concerto de Juan Magán. Con relativo coñecemento do actual mundo musical, que navega de Camilo a India,...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.