Goiáns (Boiro) vai acoller os vindeiros días, o sábado 13 de xaneiro e o domingo 14, as Festas na Honra de San Mauro. Haberá actividades para a rapazada, música e baile tradicional da nosa terra cunha chea de agrupacións locais e do Barbanza, actividades litúrxicas (unha misa solemne no propio Pazo de Goiáns) e, por suposto, exaltacións gastronómicas (por exemplo unha queimada ou unha festa dos callos e da empanada). Organiza a Asociación Cultural San Mauro coa colaboración do Concello de Boiro.
A continuación damos conta do programa.
Sábado 13 de xaneiro
16.30h – Serán infantil con chocolatada: Arrancadeira, Pedra da Aroña e Os de Abanqueiro.
17.30h – Serán tradicional San Mauro: Pedra da Aroña, Os da Boina, Arrancadeira, Nunca é Tarde, Lumieira, As Garridiñas de Castiñeiras, As Silalveiras de Corrubedo, Cantareiras amas de casa de Ribeira e As da Cobecha.
21.30h – Actuación Río de Anxo
23.00h – Queimada tradicional e foliada libre
Domingo 14 de xaneiro
9.30h – Alborada con Os Pequenos do Barbanza e Salgueiriños de Noia
12.00h – Bailes tradicionais con Pedra de Aroña e Asociación Abanqueiro
13.00h – Misa solemne no Pazo de Goiáns
14.00h – Festa gastronómica de callos e empanada
