Comisións e máis comisións, por todo. Por descuberto, por mantemento da conta, pola tarxeta, polo sobre, polo selo de correos, pola expedición dun caderno, por un extracto bancario, por unha transferencia e un longo etcétera de circunstancias. Calquera cliente bancario polo simple xesto de entrar nunha sucursal xa ten que pagar. Desde as entidades bancarias ofrécenlles a solución, acollerse á banca electrónica
Desde a propia Unión Europea xa se promulgou unha Directiva, no ano 1.992, pola cal falábase dun produto bancario como a conta básica gratuíta. Tratábase de acabar cos malos tratos bancarios aos maiores, evitando a cobranza de comisións polo só feito de ter unha conta aberta.
O noso país, ata o 2.017, non abordou legalmente sobre a inclusión financeira e o establecemento dun réxime gratuíto de contas de pago básicas en beneficio das persoas en situación de vulnerabilidade ou con risco de exclusión financeira. Actualmente o Goberno do Estado xa está a adoptar novas medidas para o respecto bancario cara aos seus clientes.
Lembrar que contra as comisións ilegais ou abusivas, temos a obriga de reclamar ante o departamento de atención ao cliente da entidade financeira e, se non se acepta a mesma, acudir ao Banco de España ou ben ante a Comisión Nacional do Mercado de Valores ao obxecto de que se cumpra co Código das Boas Prácticas Bancarias e coa propia legalidade vixente, en materia bancaria.
