En Muros a portavoz do BNG, Ana Pontón pide a comparecencia de Rueda no Parlamento para dar explicacións pola xestión da crise dos pellets no litoral galego

06 Xaneiro 2024

A portavoz nacional e candidata á Presidencia da Xunta, Ana Pontón, avanzou que o BNG solicitará de maneira urxente a convocatoria da Deputación Permanente do Parlamento galego para que o presidente en funcións, Alfonso Rueda, compareza ante a Cámara para explicar “por que se ocultou información e por que non se están poñendo medios” ante o vertido de pellets plásticos na costa galega que cualificou de “traxedia ambiental”.

Así o dixo en Muros, onde coñeceu de primeira man a situación da man da alcaldesa da localidade, María Lago, a deputada Rosana Pérez e Luís Pérez, rexedor de Ribeira, outro dos concellos afectados e sobre os que Pontón advertiu “están sós, man a man coa cidadanía” ante a inacción tanto da Xunta como do Goberno central.

Neste sentido, considerou “gravísimo” que o Executivo galego ocultara o vertido de pellets cando era coñecedor do mesmo dende hai semanas, non puxera os medios necesarios para atallar o problema e ademais estea actuando “tarde e mal” porque activou o Plan de Continxencias “nun nivel que non implica a mobilización de máis medios”.

“É unha irresponsabilidade porque estamos ante unha traxedia ambiental que ten consecuencias negativas para o noso litoral e para o sector do mar”, incidiu, para reclamar a continuación á Xunta que reaccione, se poña “á fronte deste problema” e poña os medios necesarios para solucionar o problema.

Neste sentido, sinalou como máximo responsable da “incompetencia” coa que se está xestionando esta crise a Alfonso Rueda que, segundo subliñou, “vemos que está en campaña electoral, pero non se ocupa dos problemas que ten o noso litoral”.

A líder nacionalista afirmou que o que está acontecendo estes días “recorda demasiado” á maneira nefasta na que se xestionaron outro tipo de catástrofes ambientais como a do Prestige. “Vemos outra vez como son os cidadáns e os concellos os que se están tendo que enfrontar a este problema sós, sen que nin o Goberno galego nin o central estean actuando á altura da necesidade deste momento”, remarcou.

Ante a “opacidade na información e a falta de medios, recursos e coordinación”, Pontón advertiu que os Executivos galego e estatal están repetindo “os erros que se cometeron noutras traxedias dende o punto de vista ambiental”, o que cualificou dunha “auténtica irresponsabilidade” ante un vertido do que aínda non se sabe a súa dimensión exacta porque non se ofrece información ao respecto e que pode ser menos rechamante porque “non é unha marea negra, senón branca”, pero que é sabido “ten un impacto medioambiental negativo sobre o noso litoral”.

“O máis urxente é que se activen todos os recursos necesarios para poder limpar as praias e coñecer o alcance do vertido para que haxa solucións”, concluíu logo de apelar tamén á coordinación con Portugal para poder monitorizar, controlar e eliminar o vertido na súa totalidade. 

Pola súa banda, a alcaldesa de Muros, María Lago, pediu a “colaboración urxente e totalmente necesaria” da Xunta e do Estado que, segundo alertou, “nos están dando totalmente a espalda”. Lago incidiu en que os concellos estanse vendo “sós e sen medios” pelexando cun perigo que “non chegamos a coñecer de todo”.

“Non temos información do que é exactamente o produto que está chegando, nin da cantidade que queda por chegar, nin do que se perdeu”, afondou, para concluír a continuación que a Xunta está actuando “dunha forma tremendamente opaca e xerando unha desconfianza e un medo na poboación tremendo”.

Outros artigos

Domingo regresa o sol e empeza a subir a temperatura

Na xornada do domingo seguiremos con aire frío en altura xerando inestabilidade atmosférica. Unha situación que favorecerá a formación de chuvascos, localmente treboentos, máis probables e frecuentes no interior e nas horas centrais do día. As temperaturas mínimas...

+

Ribeira pon en valor o traballo das mulleres no mar

O Concello de Ribeira conmemorou o Día Internacional da Muller no Sector Marítimo rendendo unha homenaxe a tres mulleres extraordinarias que dedicaron as súas vidas a unha profesión fundamental para a nosa comunidade: o marisqueo. O concelleiro de Mar, Fernando...

+

Publicidade

Revista en papel

Opinión

“Día das Letras Galegas 2025”. Manuel Dominguez

“Día das Letras Galegas 2025”. Manuel Dominguez

Andrés do Barro, cantante, compositor de soul galego, grandes éxitos dende 1975 onde as linguas do Estado foron confinadas, censuradas, ata acadar o primeiro posto nas listas dos discos máis vendidos en España tres veces seguidas: primeiro en 1969 con O trem , logo en...