O Concello de Dodro informa da apertura do prazo de inscrición para os programas de conciliación que se van poñer a disposición dos fogares do municipio durante o Entroido e a Semana Santa. Este prazo permanecerá aberto ata o vindeiro 31 de xaneiro.
En concreto o Concello habilitou dous programas para facilitar a vida laboral e familiar durante as vindeiras vacacións:
Concilia Entroido desenvolverase os días 12, 13 e 14 de febreiro
Concilia Semana Santa desenvolverase os días 25, 26 e 27 de marzo
Os programas destínanse a cativos entre os 3 e os 12 anos, cumpridos no momento de comezar a
actividade. Celebraranse na Casa da Cultura entre as 9.30 e as 13.30.
Toda a información no Concello de Dodro, chamando ao 981802466 de 9 a 14 horas.
