Este venres 19 de xaneiro celébrase a Gala do Deporte 2023 do Concello de Boiro. A cita será no Consistorio, a partir das 20.00 horas. O obxectivo deste encontro é recoñecer ás e aos deportistas máis destacados do ano que vimos de pechar e da tempada 2022/2023.
Para a selección dos galardoados solicitouse información a todos os clubs deportivos e deportistas individuais do municipio, informaron fontes do Consistorio, concretamente a Área de Deportes, impulsora do evento. Deste xeito, a título individual ou colectivo valorarase ter acadado podio en campionatos galegos, como mínimo un 6º posto en campionatos de España, ata un 10º posto en campionatos europeos e ata un 20º posto en campionatos do mundo.
A título de club será recoñecido conseguir un ascenso de categoría, resultar gañador na correspondente competición ou ter acadado como mínimo un terceiro posto nun Campionato Galego ou un 6º nun campionato de España da modalidade deportiva que sexa.
