Un barco á deriva apareceu na costa de Muros pasadas as sete da tarde. Foi un particular o que viu á embarcación de recreo desde a praia de Area Maior, dando aviso ao 112 e informando de que non tiña tripulantes a bordo.
A lancha, con base na localidade muradá, soltouse do lugar no que estaba amarrada como consecuencia da acción da corrente. O 112 notificou o ocorrido ao Centro de Coordinación de Salvamento Marítimo Fisterra, que mobilizou á Salvamar Régulus, con base en Porto do Son.
Os profesionais do equipo de salvamento desprazáronse ata o lugar, comprobando que efectivamente non había ninguén a bordo da embarcación. Tras isto, e unha vez informado o propietario da lancha, levou a porto, dándose por finalizada a operación.
