Este xoves 28 de decembro volven as charlas de Talento de Outes polo Mundo. Será ás 20.30 horas, na cafetería da Casa da Cultura da Serra de Outes. Desta volta, a cita divulgativa será co veciño do concello Bruno Calo Fernández, doutor en Enxeñaría Química, formado na Universidade de Santiago de Compostela e na Universidade de Cambridge, ten traballado en firmas punteiras do sector como Basf, Idom, Genentech e AstraZeneca. O investigador Bruno Calo falará sobre sustentabilidade nunha actividade divulgativa que virá con formato de charla-vermú. Organiza o Concello de Outes.
