Ante a proximidade das festividades do Nadal, o Goberno local de Ribeira incrementará o despregamento de policías operativos durante as fins de semana de decembro e realizaranse controis de droga e alcoholemia. O obxectivo principal desta medida é “previr o consumo excesivo de
alcol” e “garantir un ambiente seguro para a veciñanza así como para os visitantes”.
A iniciativa ten como propósito abordar os “posíbeis riscos asociados coas celebracións do Nadal, especialmente no que respecta á seguridade pública e o comportamento relacionado co consumo de alcol”.
Segundo informou o alcalde Luís Pérez Barral, con este reforzo policial búscase tamén disuadir calquera comportamento delituoso e mellorar a resposta ante situacións de emerxencia. E engadiu: “Agárdase que esta medida adicional de seguridade brinde tranquilidade á comunidade durante a tempada do Nadal e fomente un ambiente festivo sen incidentes.”
