Co fin de desexarlles un feliz Nadal e un feliz aninovo, o alcalde de Porto do Son, Luis Oujo, e máis o concelleiro de Benestar Social sonense, Pepe Lijó, mantiveron este xoves 28 de decembro unha xuntanza coas e cos usuarios do Centro de Día local, centrado en ofrecer actividades terapéuticas e creativas ás persoas maiores do concello. Oujo e Lijó atenderon as peticións da comunidade do Centro de Día e leváronlles un agasallo de Nadal. O Centro de Día de Porto do Son, emprazado en Nebra, conta cun total de 40 prazas e achega servizos de terapia ocupacional, de educación e de traballo social.
