Os días 15, 16 e 17 de decembro vaise celebrar finalmente a oitava edición do Torneo de Golf de Nadal – Concello de Boiro, evento deportivo que tivo que ser adiado a anterior fin de semana por mor das inclemencias climáticas. Será nas instalacións de Barbanza Golf (Reitoral de Macenda, Boiro). Haberá 1.500 euros en premios. Establécense as seguintes quendas: venres 15 de decembro ás 15.30 horas, sábado 16 ás 11h, sábado 16 ás 15.30 e domingo 17 ás 10.30 horas. As inscricións están abertas até este xoves 14 ás 19.00 horas a través de golfdirecto.com.
