“E van tres: agora, Podemos”. Antón Luaces

05 Decembro 2023

Foron tempos de esperanza para moitos cidadáns españois. E en todos os casos, afogaron na orela. Na España democrática non teñen cabida os experimentos, a teor do acontecido cos intentos levados a cabo tanto no contexto nacional coma  no autonómico.  

Desta vez, semella que Podemos -o partido fundado, entre outros, por Pablo Iglesias Turrión, Juan Carlos Monedero e  Ïñigo Errejón- vai seguir os pasos marcados anteriormente por Unión, Progreso y Democracia (UPyD) que liderara Rosa Díez, e por Ciudadanos (liderado por Albert Rivera, cofundador do partido xunto con Arcadi Espada, Albert Boadella e Félix de Azúa).

Podemos abandona o proxecto SUMAR, ,de Yolanda Díaz, e pasa a se integrar no Grupo Mixto do Congreso dos Deputados coa idea preconcebida de presionar ao Goberno PSOE-SUMAR que conta cunha extensa listaxe de partidos minoritarios que apoiaron a elección de Pedro Sánchez na presidencia do Executivo, pero que non garanten esta lexislatura.

En Galicia xa se deran intentos semellantes: COALICIÓN GALEGA. BNG-NÓS, RECORTES CERO-GRUPO VERDE, CIDADÁNS-CENTRUM, UNIDOS POR EL FUTURO, GANEMOS GALICIA (Gañemos), ou MAREA GALEGUISTA, entre outros. Todos quedaron na gavia. Será este tamén o destino final de PODEMOS e os seus cinco deputados sobreviventes tendo en conta a próxima convocatoria de eleccións autonómicas en Galicia e Euskadi e as do Parlamento Europeo?.

A atención, após coñecer o afastamento de SUMAR e a súa integración no Grupo Mixto, fai que o futuro de PODEMOS vaia da man do que, directa ou indirectamente, continúa a ser o seu máximo referente, máis aló de Ione Belarra e Irene Montero: Pablo Iglesias Turrión.

Aínda que non resulta creíble que os deputados de PODEMOS cheguen a votar favorablemente propostas de PP-VOX, sí é probable que se absteñan en votacións que, no Congreso dos Deputados, os seus cinco votos sexan absolutamente necesarios para o Goberno de Pedro Sánchez. Por exemplo nos orzamentos de 2024, o que indirectamente significaría votar o mesmo que o PP e VOX, partidos cuxo apoio neste caso ao Goberno non semella probable, por descontado.

No Grupo Mixto, Podemos perde protagonismo político. E sen este, o seu futuro non ten garantía de permanencia.

Amáis, os parlamentarios “podemitas” reducen a súa presencia nas sesións parlamentarias á emisión do voto, algo simplemente testemuñal. Seguirán, sí, a percibir unha asignación mensual de 1.700 euros para gastos de funcionamento, e terán que distribuir cos deputados de BNG, UPN e CC os 30.346,72 euros da subvención fixa que recibe cada grupo, por canto Podemos non conforma grupo de seu.

Un camiño non moi doado de percorrer e que pode levar ao desmantelamento do partido antes, incluso, das vindeiras eleccións Europeas. 

Outros artigos

“Reto astrolabio”. Alberto Barciela

El mar merece respeto, aun así reclama y admite audacias, quizás motivadas por el horizonte casi infinito. El ser humano, en la búsqueda de sí mismo, de completar inquietudes y afanes, de responder a su curiosidad, acepta con gusto el reto de los nuevos rumbos,...

+

“Paz e despois gloria”. Luís Celeiro

Eles tamén ganaron, aínda que desta vez, como noutras ocasións, houbo perdedoresagochados detrás do parapeto da verborrea ou dese inmenso muro de silencio. Taménhoubo quen, con tristura e desacougo, admitiu a derrota e parece que está en disposiciónde intentalo...

+

Publicidade

Revista en papel

Opinión

Rosmando”. Xulio Xiz

Rosmando”. Xulio Xiz

Sorprendeu Democracia Orensana neste 18F entrando no Parlamento de Galicia por unha porta pequena cun resultado grande. Sorprendeume ver por Televisión a Jácome - do que a pesar de dedicarse á televisión local polo que tiña que caerme simpático, pode máis en...

“Creer en los políticos”- José Manuel Pena

“Creer en los políticos”- José Manuel Pena

“Con lo que cuesta la compra de un tanque, para la guerra, podrían comer unas 30.000 personas”. “900 euros es lo que cuesta insertar a una persona para el mundo laboral”. “Hace mucho tiempo que ya es difícil creer en la mayoría de los políticos, no es de recibo que se...