A Garda Civil detivo a un home como suposto autor de 33 delitos de roubo con forza ocorridos entre os meses de setembro e decembro deste ano na zona da Pobra.
O detido aproveitaba a ausencia dos propietarios para cometer os roubos, principalmente en vivendas deshabitadas durante o día. No momento do seu arresto, atopáronselle varias ferramentas utilizadas nos roubos, así como obxectos subtraídos . O detido foi posto ao dispor xudicial, que decretou o seu ingreso en prisión. Ademais, continúase coa investigación para esclarecer outros posibles feitos delituosos nos que podería estar implicado.
A Garda Civil destacou a importancia da colaboración cidadá na resolución deste caso, agradecendo aos veciños que achegasen información que resultou clave para a detención do acusado.
