Boiro destina 224.450 euros para a promoción do deporte local mediante subvencións a clubs e entidades

12 Decembro 2023

O Concello de Boiro destina 224.450 euros a entidades deportivas do municipio para a promoción do deporte. O alcalde, José Ramón Romero, asinou este martes 12 de decembro os primeiros convenios con entidades deportivas, que se seguirán asinando nas vindeiras semanas.

Preto de 30 clubs e entidades deportivas obteñen unha subvención nominativa que ten como obxecto sufragar os gastos xerais do club en canto a arbitraxes, material deportivo ou equipamentos, así como a celebración de probas deportivas ou a participación nas mesmas.

“A promoción do deporte, especialmente do deporte base, é unha das prioridades deste Concello por iso cada ano seguimos apostando polas axudas directas a clubs para que desenvolvan a súa actividade”, afirmou o rexedor, engadindo que “Boiro conta cun importante tecido asociativo no eido deportivo e con clubs en numerosas modalidades”. Tamén explicou que Boiro aumentou nun 30% nos últimos anos a cantidade que destina aos entes deportivos para gasto corrente e participación en probas deportivas, así como a organización de eventos deportivos no municipio como é o caso da Liga ACT, a Travesía a Nado Illa da Bensa ou o Campionato Galego de Barco Dragón.

Outros artigos

A Deputación da Coruña apoia o labor de Misela, Renacer e ADISBISMUR

O presidente provincial, Valentín González Formoso, nunha visita á sede de Misela, en Noia A Deputación da Coruña publicou no BOP deste luns 26 de febreiro a concesión provisional das subvencións dirixidas a entidades sen fins de lucro para o mantemento de programas e...

+

Martes con nubes e claros

As altas presións irán entrando de xeito progresivo durante esta xornada, de xeito que a estabilidade irá en aumento, o que deixará un día de ceo parcialmente nubrado, con apertura de grandes claros pola tarde. As temperaturas non terán cambios significativos. Os...

+

Presentados os novos párrocos no Barbanza

Este domingo o arcebispo de Santiago procedeu a presentar ós novos párrocos e moderadores das parroquias do Araño, Isorna, Taragoña, Fruime, Boiro, Abanqueiro, Bealo, Cabo de Cruz, Cespón , Cures e Macenda. O arcebispo de Santiago de Compostela, monseñor Francisco...

+

Publicidade

Revista en papel

Opinión

“O medo fala. Consecuencias” – Manuel Domínguez

“O medo fala. Consecuencias” – Manuel Domínguez

O 26 de febreiro publicaba neste mesmo medio, sobre a ameaza de Donald Trump e as súas consecuencias, podería parecer unha opinión, pero non, non, está baseada en feitos. En ano 2004 cando os países bálticos liberáronse das garras comunistas das URSS e pasou a...