A Pobra prende as luces de Nadal

02 Decembro 2023

Numerosa veciñanza achegouse na tarde deste 2 de decembro á praza Alcalde Segundo Durán para asistir ao acto de acendemento do alumeamento do Nadal.

Foi un evento organizado pola Concellaría dos Servizos Municipais. Animadas pola charanga Xuntanza e cun dos elfos de Papá Noel guiando o evento, as crianzas pedían ser as elixidas para premer o botón; momento no cal se iluminou a árbore situada na dita praza, as grilandas das estradas e os Xardíns de Valle-Inclán.

Deseguido, a atención desprazouse á praza do Emigrante, onde se procedeu coa inauguración do belén municipal.

Uns preparativos que levan semanas e no que traballan arreo os electricistas e a brigada municipal, a quen dirixiu os seus agradecementos o alcalde, José Carlos Vidal, e, en especial, a María Sanmartín, xardineira e artista encargada de darlle un novo toque ao nacemento cada ano.

Posteriormente, para quece-lo corpo nesta tarde fría, convidouse ás persoas asistentes a desfrutar dunha chocolatada con churros e rosca.

Outros artigos

Venres con chuvascos e baixa das temperaturas. Temporal no mar

Na xornada do venres seguimos en zona de chuvascos que veñen tras a fronte e que serán localmente treboentos e acompañados de sarabia, ó que hai que engadir a chegada dunha masa de aire polar marítima que fará que algún deses chuvascos sexan de neve, coa cota arredor...

+

Publicidade

Revista en papel

Opinión

“Reto astrolabio”. Alberto Barciela

“Reto astrolabio”. Alberto Barciela

El mar merece respeto, aun así reclama y admite audacias, quizás motivadas por el horizonte casi infinito. El ser humano, en la búsqueda de sí mismo, de completar inquietudes y afanes, de responder a su curiosidad, acepta con gusto el reto de los nuevos rumbos,...