A patronal de Ribeira agradece á Subdelegación do Goberno o interese mostrado ante a preocupación pola inseguridade

04 Decembro 2023

A Asociación de Empresarios de Ribeira compartiu os detalles da resposta achegada pola Subdelegación do Goberno da Coruña á pregunta-petición enviada pola patronal o pasado mes de outubro logo do repunte do vandalismo nocturno constatado nesas datas e do raiado de múltiples coches estacionados na contorna da rúa Cordieiro. Naquela carta a asociación atribuía á falta de recursos policiais o crecemento da inseguridade na cidadá, e a necesidade de incrementar os axentes de Policía Nacional en Ribeira viña sendo a razón principal da misiva. Nela reclamábase á Subdelegación “medidas concretas para pór freo á inseguridade con máis efectivos policiais”, petición que, segundo recordaba a asociación, tamén formulou o Sindicato Unificado de Policía (SUP) nunha entrevista recente. A entidade ribeirense lembraba á Subdelegación que “Galicia é a autonomía onde se habilitaron menos prazas de policía, e na nosa cidade, Ribeira, o catálogo de persoal segue sendo o mesmo que o que había na antiga comisaría, non aproveitándose as novas instalacións para incrementar o número de persoal nin ofrecer máis servizos para a cidadanía”.

A resposta da Subdelegación acabada de recibir pola Asociación de Empresarios é, a xuízo da entidade ribeirense, “unha clara mostra do interese demostrado ante a nosa demanda”. Os empresarios recoñecen que a nova misiva da Subdelegación despexa en positivo as dúbidas que puidera haber sobre a dotación de Ribeira, e confirma que a cidade contaría cos recursos que lle corresponden. A patronal explícao deste xeito: “Na certeza e posterior comprobación de que os datos de que dispoñiamos sobre a nosa Comisaría tanto no que a persoal se refire como á dotación de medios para o desempeño do seu labor eran erróneos, pois así nolos transmitiron, dando lugar á nosa demanda, quedamos totalmente satisfeitos coa súa resposta, alegrámonos de que as peticións por nós manifestadas xa estean cubertas case ao cento por cento”. E conclúen: “Só réstanos animar á Subdelegación do Goberno a que persevere en manter as distintas institucións de seguridade totalmente equipadas, tanto en persoal como en medios”.

Outros artigos

Publicidade

Revista en papel

Opinión

“Sociedad anestesiada”. José Antonio Constenla

“Sociedad anestesiada”. José Antonio Constenla

Bienaventurado el que tiene una oportunidad y la aprovecha, es lo que debiópensar Juan Carlos Unzué, ex guardameta de Osasuna, Barça, Tenerife ySevilla, cuando en una jornada organizada en el Congreso de los Diputadossobre la ELA (enfermedad que le diagnosticaron en...