O arcebispo de Santiago, Francisco Prieto, acompañado do Vigairo xeral, José Andrés Fernández Farto, presidiu o Consello de Asuntos Económicos da Diocese, un organismo diocesano encargado de elaborar cada ano o orzamento de ingresos e gastos para todo o réxime da diocese no ano entrante, así como aprobar as contas de ingresos e gastos a fin de ano.
O arcebispo de Santiago, Francisco Prieto, acompañado do Vigairo xeral, José Andrés Fernández Farto, presidiu este venres o Consello de Asuntos Económicos da Diocese, un organismo diocesano encargado de elaborar cada ano o orzamento de ingresos e gastos para todo o réxime da diocese no ano entrante, así como aprobar as contas de ingresos e gastos a fin de ano.
Aprobouse o orzamento da diocese para 2024 crecerá un 5,82% con respecto ao de 2023, ata os 21,1 millóns.
O máis significativo do balance económico para o 2024 vai ser o incremento en Actividades Pastorais, un 40,9%, ata os 1,7 millóns. Entre estas actividades inclúense a catequese, a liturxia, a actuación social e caritativa e as achegas para as misións ou para Mans Unidas, Cáritas ou as Cociñas Económicas.
Así mesmo, destaca tamén o orzamento de 6,4 millóns de euros que se vai a destinar á conservación de edificios e gastos de funcionamento, o que supón un incremento do 26,27%.
Con respecto aos ingresos, cabe apuntar no orzamento para 2024 das achegas dos fieis -7,4 millóns de euros-, un incremento do 24,58%, e tamén un aumento do 2,81% das achegas do Fondo Común Interdiocesano, chegando aos 6,9 millóns.
