“Vinte e un nomes de mariñeiros para manter viva a memoría galega en Terranova”. Antón Luaces

22 Novembro 2023

Nos últimos 150 anos cada onda do mar de Terranova, cada quilómetro no vento que zoa nesa terra-mar de frío-neve, de sabañóns, augardente e mexo nos dedos para que non se conxelaran, levan un nome galego ou de residente en Galicia. Cada “praia”, cada peixe, cada lance realizado en Terranova ten acento propio de Galicia.
Porque Saint John é a historia mesma da pesca galega no seu referente bacalloeiro ou fletaneiro, entre outros de especies e caladoiros que falan por sí sós do mundo da pesca deseñado no noroeste da península Ibérica. Nas augas de Terranova pescaron e aínda pescan ducias de aqueles centos de galegos que foron escribindo unha historia interminable de loita contra a adversidade e que morreron entre outros centos, milleiros de mariñeiros que coma eles e con eles compartían tarefas, chegados de Euskadi, Galicia e Portugal, maiormente. Eran as potencias pesqueiras nunhas illas nas que os seus habitantes falaban francés e inglés e que máis cedo que tarde aprenderon expresións propias de Galicia, unha terra que descoñecían pero que pasou a formar parte do seu día a día entre cantos, bailes e txiquitos.
Aló hai un cemiterio cos restos de non poucos mariñeiros galegos testemuñas dese pasado-presente que ten eixo fundamental, desde febreiro de 2022, na historia -dura e amarguenta- dos 21 tripulantes do arrastreiro de Marín “Villa de Pitanxo” cuxos nomes figurarán para sempre nunha placa como memoria dunha historia que nunca vai rematar de se escribir porque xa resulta imposible separar, desligar, Galicia de Terranova.
Este mércores, o delegado do Goberno en Galicia comprometéuse coas familias deses mariñeiros a perpetuar a memoria deles en Saint John. Será cando xa estean cumpridos os primeiros dous anos daquela traxedia aínda non totalmente clarexada. Membros desas familias pediron ao representante gobernativo Pedro Blanco que mediara na colocación dunha placa que homenaxee no porto canadiano de Saint John ás 21 vítimas do naufraxio do Villa de Pitanxo. Na placa figurarán os nomes de cada un deses mariñeiros falecidos no nauffaxio e será a derraxeira homaxe colectiva que se tribute aos finados.
A vindeira semana os armadores do pesqueiro afundido comparecerán na Audiencia Nacional, onde se sigue a instrución do caso, se ben falta que se decrete o xuízo oral.

Outros artigos

“Un 28 de febreiro orfo para don Álvaro Cunqueiro”. Antón Luaces

O mércores, 28 de febreiro, van cumprirse 43 anos do pasamento en Vigo do xornalista, escritor e poeta Álvaro Patricio Cunqueiro Mora, un dos máis grandes autores da literatura galega e española do século pasado. Os seus restos fican no vello cimeterio mindoniense...

+

No son los ojos, son las miradas”. Manuel Dominguez

Pensamos, pensé, en la belleza de los ojos, hasta que un día cerca de casa, una pared me decía, ¡No, no son los ojos, son las miradas! Pensando en ello, cuánta razón, no son los ojos son las miradas, podemos ver en la película Los puentes de Madison, interpretada por...

+

“Celebrando a Rosalía de Castro”. Antía Pereira

“Celebrando a Rosalía e o seu día celebramos o que nos une, o que nos representa e o que nos move. Poucas figuras concitan ó seu redor a unanimidade que convoca Rosalía. E iso en boa medida porque ela soubo tocar as cordas, unha a unha, aínda que fose de distinto...

+

Publicidade

Revista en papel

Opinión

“Reto astrolabio”. Alberto Barciela

“Reto astrolabio”. Alberto Barciela

El mar merece respeto, aun así reclama y admite audacias, quizás motivadas por el horizonte casi infinito. El ser humano, en la búsqueda de sí mismo, de completar inquietudes y afanes, de responder a su curiosidad, acepta con gusto el reto de los nuevos rumbos,...