A xerente do Chan Empresarial Atlántico (SEXA) Beatriz Sestayo mantivo unha reunión de traballo co alcalde de Ribeira, Luis Pérez Barral, na sede de SEA en Santiago de Compostela. Neste encontro, Barral solicitou a implicación de Chan Empresarial do Atlántico para o desenvolvemento do polígono industrial da localidade.
A xerente de SEA, Beatriz Sestayo comprometeu que a entidade que dirixe realizará a elaboración dun estudo de viabilidade técnica, económica e xurídica da actuación para estudar as posibilidades que existen de que Ribeira conte con chan industrial.
Sestayo expresou ao rexedor a convicción de SEA sobre “a idoneidade do Barbanza como zona estratéxica para o investimento e creación de emprego” e engadiu que “apoiaremos todas as actuacións que sexan viables desde o punto de vista técnico, xurídico e económico”.
