O PP de Muros pide ao Goberno de Sánchez o mesmo trato para as vivendas afectadas por Costas que lle deu a zona deportiva de Hondarribia

27 Novembro 2023

O grupo do Partido Popular no Concello de Muros reclamou hoxe, a través da súa voceira, Inés Monteagudo, que o Goberno de Sánchez “brinde o mesmo trato para as vivendas do municipio afectadas por Costas que o que lle deu a zona deportiva de Hondarribia”, en Euskadi. Os populares muradáns lembran que “corenta veciños da parroquia de Santa Mariña de Esteiro recibiron en agosto notificacións do Catastro informándolles de que as súas terras pasaban a ser titularidade do Ministerio para a Transición Ecolóxica e, desta maneira, serían catalogadas como parte do dominio público marítimo terrestre”. A xuízo do PP local, “o PSOE vén acaba de pactar con PNV o traspaso dos asuntos pendentes en materia de ordenación do litoral, exactamente o mesmo que reclamamos en Galicia e que Pedro Sánchez está a negar”. Monteagudo engadiu que “con esta decisión, o Goberno é arranxar o desafectando parte do litoral vasco, que deixa de ser dominio público e entrégallo en propiedade ao País Vasco”.

A popular sinala que as dúas comunidades teñen competencia exclusiva en ordenación do litoral e só lles falta a transferencia de medios e servizos para a xestión do Dominio Público Marítimo Terrestre (DPTM) outorgando autorizacións e concesións.
“Estamos ante unha proba máis do maltrato de Sánchez a Galicia e das consecuencias do pacto de goberno que teremos que sufrir todos os galegos”, apuntou Monteagudo, quen tildou a decisión tomada en Hondarribia como una “agravio comparativo sen precedentes”.

Por último, a popular, quen cargou tamén contra o BNG, ao que acuso de “regalar Galicia ao estado a cambio de nada”, reclamou para os veciños de Muros a “mesma vontade política” que Pedro Sánchez si tivo para solucionar o problema de Hondarribia. “Todo o que non sexa así, supoñerá que os socialistas tratan aos galegos como cidadáns de segundo e o Partido Popular non quedará de brazos cruzados ante estes comportamentos”, concluíu Monteagudo.

Outros artigos

Luns con chuvascos e baixada de temperatura

Galicia atoparase durante esta xornada baixo os efectos dunha borrasca localizada ao norte da península Ibérica que introducirá aire frío e inestabilidade. Deste xeito agardamos unha xornada con intervalos nubrados e chuvascos, localmente treboentos e ocasionalmente...

+

Publicidade

Revista en papel

Opinión

No son los ojos, son las miradas”. Manuel Dominguez

No son los ojos, son las miradas”. Manuel Dominguez

Pensamos, pensé, en la belleza de los ojos, hasta que un día cerca de casa, una pared me decía, ¡No, no son los ojos, son las miradas! Pensando en ello, cuánta razón, no son los ojos son las miradas, podemos ver en la película Los puentes de Madison, interpretada por...