O Concello de Porto do Son traballa para pechar o proxecto do novo centro de saúde

27 Novembro 2023

O Concello de Porto do Son ten entre os seus proxectos incrementar os servizos sanitarios do termo municipal cun novo centro de saúde na vila. Segundo confirmou o alcalde, barállanse dous emprazamentos para albergar o inmóbel, os dous localizados no centro urbano do Son.

Unha destas posíbeis alternativas é un edificio en estrutura que no seu día ía ser destinado para vivendas, para o que se pediría un préstamo sen intereses ao Instituto Galego de Vivenda e Solo para devolver nun prazo de oito anos, con vistas a emprazar alí o novo centro de saúde.

A outra opción é habilitar o edificio no espazo municipal comprendido entre o Concello a a Casa da Cultura. O alcalde Luis Oujo, en declaracións a Canal Barbanza, recoñeceu que tanto el como o seu equipo son da preferencia da primeira das alternativas, a do edificio en estrutura, porque desta forma tamén se avanza nun dos obxectivos do actual Concello: combater o feísmo a nivel local e reaproveitar o xa construído. Agora o seguinte paso sería obter o visto bo da Consellería de Sanidade acerca das características de accesibilidade, dispoñibilidade e superficie do inmóbel. Trataríase dun centro de saúde de dous andares coa opción de engadir outro a maiores. O rexedor explicou que a Xunta ten situado o concello de Porto do Son entre os municipios onde é de meirande urxencia habilitar novos centros de saúde, polo que unha vez que se aceptase o proxecto dende o SERGAS, o proxecto materializaríase axiña.

Outros artigos

Martes con nubes e claros

As altas presións irán entrando de xeito progresivo durante esta xornada, de xeito que a estabilidade irá en aumento, o que deixará un día de ceo parcialmente nubrado, con apertura de grandes claros pola tarde. As temperaturas non terán cambios significativos. Os...

+

Presentados os novos párrocos no Barbanza

Este domingo o arcebispo de Santiago procedeu a presentar ós novos párrocos e moderadores das parroquias do Araño, Isorna, Taragoña, Fruime, Boiro, Abanqueiro, Bealo, Cabo de Cruz, Cespón , Cures e Macenda. O arcebispo de Santiago de Compostela, monseñor Francisco...

+

Publicidade

Revista en papel

Opinión

“Sociedad anestesiada”. José Antonio Constenla

“Sociedad anestesiada”. José Antonio Constenla

Bienaventurado el que tiene una oportunidad y la aprovecha, es lo que debiópensar Juan Carlos Unzué, ex guardameta de Osasuna, Barça, Tenerife ySevilla, cuando en una jornada organizada en el Congreso de los Diputadossobre la ELA (enfermedad que le diagnosticaron en...