O Concello de Outes crítico cos prazos das subvencións da Xunta

09 Novembro 2023
Exterior da piscina de OUtes

O Concello de Outes, a través do seu alcalde Manuel González, vén de manifestar o seu “enfado e preocupación” polo procedemento que aplica a Xunta de Galicia na convocatoria e resolución de subvencións aos concellos. Segundo manifestou o mandatario outense, “é habitual que a Administración autonómica resolva a adxudicación de axudas destinadas a investimentos a mediados de ano e obrigue a que ditos investimentos estean realizados e xustificados en novembro dese mesmo ano”. Porén, explica que “cando se trata de realizar obras dun importe que supera o contrato menor, eses prazos fan case imposíbel xustificar a subvención en tempo, pois o procedemento de licitación soe prolongarse no menos de 3 meses, polo que o prazo para realizar a obra e certificala son mínimos”, indicou Manolo González, engadindo que “esta é xustamente a situación que se está a dar coa subvención que vén de percibir o Concello de Outes para mellora da eficiencia enerxética e arranxo da cuberta da Pisicina Municipal”.

No escrito compartido o Concello fai saber que “a Xunta de Galicia non comunicou ao Consistorio a resolución da axuda até o 30 de Maio polo que a Administración local non puido adxudicar a obra, que ascende a perto de 140.000 €, até principios do mes de outubro”. Segundo informa o rexedor, “a obra xa comezou, pero as inclemencias metereolóxicas están complicando a execución da mesma, como xa lle foi transmitido aos responsábeis autonómicos, polo que é moi complicado que se poida rematar para o 30 de novembro, como calquera persoa pode entender, dada a natureza das obras”. O alcalde, se ben recoñece que a Xunta anunciou unha ampliación do prazo inicialmente previsto, este, sinala, ” resulta irrisorio”, posto que o prazo pasou do 15 ao 30 de novembro.

Por ese motivo Manuel González insta á Xunta de Galicia a que “flexibilice os prazos de xustificación das subvencións, para que poidan facerse polo menos ao longo de dous exercicios, ao igual que xa fai Deputación da Coruña coas obras do Plan de Obras e Servizos”.

Outros artigos

Publicidade

Revista en papel

Opinión

“Compartir el éxito de la empresa”. José Castro López

“Compartir el éxito de la empresa”. José Castro López

Conté en comentarios anteriores la historia del italiano, Enzo Rossi, director de unafábrica de pasta, que en el año 2007 se asignó un sueldo de 1.000 euros al mes paraexperimentar en carne propia si era posible vivir con esa cantidad y comprobar así lascondiciones...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.