O Concello de Dodro lanza un concurso participativo para elaborar coa veciñanza o calendario municipal 2024

10 Novembro 2023

O Concello de Dodro lanzou unha iniciativa de participación cidadá para a elaboración do calendario anual municipal, que se elaborará coas imaxes antigas que a cidadanía aporte a través dun concurso. Neste certame, as imaxes gañadoras servirán para confeccionar o calendario 2024 editado dende o Consistorio. O obxectivo é “recuperar vellas fotografías de Dodro”.

Poderán participar todas as persoas, maiores de 18 anos, que o desexen. Cada participante poderá presentar un máximo de 3 fotografías. O formato será apaisado, en branco e negro ou sepia e enviaranse nomeadas cun título ou frase que as describa.

Os participantes enviarán as imaxes ao correo info@dodro.gal seguindo as indicacións das bases.

O Concello engade que as persoas que non dispoñan de medios electrónicos “poderán empregar o equipamento da aula de informática municipal da Casa da Cultura para a dixitalización e presentación das imaxes e documentos precisos”.

O prazo de presentación de imaxes rematará o vindeiro 24 de novembro. O xurado estará formado por representantes municipais, técnicos da área de cultura e un profesional da fotografía, publicidade ou xornalismo. Os gañadores recibirán como premio cinco exemplares do calendario que se edite.

Outros artigos

A Pobra prende as luces de Nadal

Numerosa veciñanza achegouse na tarde deste 2 de decembro á praza Alcalde Segundo Durán para asistir ao acto de acendemento do alumeamento do Nadal. Foi un evento organizado pola Concellaría dos Servizos Municipais. Animadas pola charanga Xuntanza e cun dos elfos de...

+

Domingo con alerta laranxa nas rias baixas desde as 15 horas

Unha borrasca ao nordés de Galicia pon en alerta por forte vento ao litoral este domingo A presenza dunha borrasca ao noroeste de Galicia deixará forte vento no mar este domingo, con intervalos de forza 8 entre A Guarda e Sisargas. En terra espéranse refachos...

+

Publicidade

Revista en papel

Opinión

“Amor se escribe con H intercalada, Ahmor”. Manuel Dominguez

“Amor se escribe con H intercalada, Ahmor”. Manuel Dominguez

Me explico, si pronuncias amor, como habitualmente, nada ocurre, pero, si pronuncias amor con h, entonces tienes que inspirar aire, actúas con el diafragma, inhalas e inhalando aire, es el sentimiento del amor. Ese suspiro que causa la h del amor, es único. Me gusta...