O Centro de Recursos da Asociación Ambar das Persoas con Diversidade Funcional recibiu a
visita de Luis Pérez Barral, alcalde de Ribeira, acompañado de Cruz Rivadulla, concelleira de
Educación e Vicente Mariño, concelleiro de Servicios Sociais. Tamén estivo presente Conchi
Martínez, membro do Partido Barbanza Independiente.
Na súa chegada ao centro recibíronos Milagros Rey, presidenta de Ambar; Helena Teira,
coordinadora xeral da entidade; Alicia Romero, secretaria de Ambar e Rosana Olveira,
responsable do servizo de atención diúrna.
Durante a visita coñeceron os diversos espazos, salas e obradoiros que se levan a cabo no
Centro de Recursos. Tiveron a oportunidade de coñecer ás persoas usuarias que se
encargaron de explicarlles as actividades que levan a cabo e explicaron os distintos proxectos
que se realizan dende a Asociación.
Durante esta xornada, os representantes do concello tiveron oportunidade de coñecer de
primeira man os proxectos e necesidades que van aparecendo na andadura de Ambar.
Tanto profesionais do equipo como persoas usuarias do centro estiveron encantados de recibir
esta visita e amosaron gran agradecemento e disposición para volvelos recibir cos brazos
abertos en futuras ocasións.
