Baixo un lema que rende homenaxe á solidariedade e ao traballo en equipo (O mellor do Nadal é compartilo) o Concello de Porto do Son lanzou unha campaña de mobilización na que se convida á veciñanza, á comunidade de integrantes das ANPAs (asociacións de nais e pais) do termo municipal e ás asociacións con sede ou actividade en Porto Son para que contribúan coas súas achegas á celebración da vindeira Cabalgata de Reis. As persoas e colectivos que estean dispostos a botar unha man poden poñerse en contacto coa Área de Cultura no 981 767 758 ou ben no 604 026 138.
