Con motivo da celebración do pasado 25 de novembro, Día Internacional para a Eliminación da Violencia contra as Mulleres, celebrarase este venres 1 de decembro en Ribeira un coloquio da man da psicóloga experta en saúde mental e violencias sexuais, Hadriana Ordóñez.
A sesión celebrarase polo serán (ás 19.00 horas) no Centro Cultural Lustres Rivas.
A charla versará sobre a educación, neste caso emocional e afectiva como “instrumento fundamental na medida de prevención e de-construción dalgunhas das violencias machistas que nos atinxen no día a día”, segundo explicou a organización do coloquio, a Asociación Cultural Malas Herbas en colaboración co Concello de Ribeira.
Na cita tamén se porá o foco nas realidades LGBT+ ante a pervivencia das agresións machistas.
Estará aberta a todos os públicos e idades, con especial atención nas persoas máis novas.
