Lousame conmemora o 25N cunha concorrida concentración na praza Teodomiro Hidalgo baixo a lenda “#Eu quero que”

24 Novembro 2023

O Concello de Lousame conmemorou este venres 24 ao mediodía o Día Internacional Contra a Violencia de Xénero cunha masiva concentración na praza Teodomiro Hidalgo na que participaron alumnos e alumnas do CPI Cernadas de Castro, integrantes dos Obradoiros da Memoria de Lousame, membros da asociación inclusiva A Misela, traballadores municipais e representantes dos distintos partidos políticos municipais.

A alcaldesa, Teresa Villaverde, foi a encargada de dar lectura ao manifesto institucional no que asegurou que “dende o Concello de Lousame seguimos acentuando o noso compromiso coa igualdade e contra a violencia de xénero. A violencia exercida contra a muller non é un problema alleo ás nosas vidas, é unha demostración indigna e impropia do ser humano que se reproduce a nivel mundial”. A rexedora engadiu que “estamos a carón das vítimas impulsando accións como a pertenza deste concello á Rede de Entidades Locais que loitan contra a violencia sobre as mulleres e a coordinación con outras institucións e entidades a través da Mesa Local contra a Violencia de Xénero, a primeira que se constituíu na nosa comarca”. Así recordou a importancia de que “a veciñanza mostre o seu apoio ás vítimas da violencia de calquera índole. Non estamos ante un problema do ámbito privado, estamos ante un problema social”.

Campaña Voces de Lousame contra a violencia de xénero

Acto seguido, a rapazada do CPI Cernadas de Castro procedeu a dar lectura a algúns escritos e lendas sobre a violencia contra a muller baixo a lenda da campaña Voces de Lousame contra a violencia de xénero, organizada polo Concello para conmemorar o 25 de novembro e financiada con cargo aos créditos recibidos do Pacto de Estado contra a violencia de xénero e do Ministerio de Igualdade.

Así, a rapazada deu lectura a frases en mostra do seu rexeitamento da violencia sobre as mulleres comezando coa lenda: “Eu quero que…”. O seu relevo foi collido por un grupo de persoas da asociación A Misela, que tamén deron lectura ás súas propostas e por unha representación do alumnado dos Obradoiros de Memoria de Lousame. Pecharon o acto as intervencións das dúas voluntarias europeas, as turcas Emine Kara e Yasemin Tekiner; así como de Arturo Barreiro e Ramón Martínez, en representacións dos empregados municipais e os representantes políticos.

Outros artigos

Morre en accidente o músico noiés Brais Tomé

Noia está novamente de loito, tras confirmarse o falecemento este pasado serán (o luns 26), en accidente de tráfico, do músico local Brais Tomé, membro do coñecido Dúo Togayán. O Concello e a Corporación local mandan dende as redes sociais o seu profundo pésame á...

+

A Deputación da Coruña apoia o labor de Misela, Renacer e ADISBISMUR

O presidente provincial, Valentín González Formoso, nunha visita á sede de Misela, en Noia A Deputación da Coruña publicou no BOP deste luns 26 de febreiro a concesión provisional das subvencións dirixidas a entidades sen fins de lucro para o mantemento de programas e...

+

Martes con nubes e claros

As altas presións irán entrando de xeito progresivo durante esta xornada, de xeito que a estabilidade irá en aumento, o que deixará un día de ceo parcialmente nubrado, con apertura de grandes claros pola tarde. As temperaturas non terán cambios significativos. Os...

+

Publicidade

Revista en papel

Opinión

“O medo fala. Consecuencias” – Manuel Domínguez

“O medo fala. Consecuencias” – Manuel Domínguez

O 26 de febreiro publicaba neste mesmo medio, sobre a ameaza de Donald Trump e as súas consecuencias, podería parecer unha opinión, pero non, non, está baseada en feitos. En ano 2004 cando os países bálticos liberáronse das garras comunistas das URSS e pasou a...