Continúa en Boiro o Ciclo de Cinema Mestre Mateo, que trae á vila o mellor do cinema galego da colleita do ano pasado (filmes premiados nos Premios Mestre Mateo, precisamente). Este sábado, sen ir máis lonxe, proxectarase no Centro Social de Boiro, a partir das 20.00 horas, o filme de animación Unicorn Wars.
Unicorn Wars é un filme de animación galego-francés de 2022 dirixido e escrito por Alberto Vázquez. O argumento sitúanos nunha guerra milenaria que enfronta osos de peluche relixiosamente fanáticos contra unicornios ecoloxistas. A trama subliña como dous irmáns osos loitan polo amor da súa nai.
