O suceso ocorreu na mañá deste sábado no aparcamento subterráneo da praza de España de Ribeira. Un traballador que estaba a vixiar as instalacións foi agredido por un individuo ao que reprendeu por estar a ouriñar nas escaleiras. Como resultado dos golpes recibidos, o traballador tivo que ser trasladado ao hospital comarcal de Barbanza.
O vixiante abandonou o seu posto cando viu a un mozo a piques de ouriñar nas escaleiras interiores do aparcamento. Achegouse a el e sen mediar palabra, este individuo comezou a golpealo. A Policía Local e a Policía Nacional acudiron ao lugar, e unha ambulancia trasladou ao ferido ao complexo hospitalario de Oleiros. O traballador presentaba feridas no rostro e queixábase tamén dun xeonllo.
A información proporcionada pola vítima e as cámaras de vixilancia o agresor foi identicado e resultou ser un residente de vinte anos na cidade. A Policía Nacional está a se encargar das dilixencias relacionadas co incidente.
