“Camiño, tradición e cultura”. Luís Celeiro

24 Novembro 2023


O Camiño de Santiago é mundial, vai por onde ten que ir dicíndolles aos pobos diferentes e espallados polos distintos continentes que Galicia, antes, fin da terra, agora é o centro.

Santiago de Compostela é o centro do mundo e o Camiño de Santiago son arterias que o recorren, ao mesmo tempo que os peregrinos recorren países, lugares, mares e montes por todos e en calquera medio.
Empezou cando empezou, alá polo século nove. Ao descubrir a tumba do Apóstolo, o bispo de Iria Flavia, Teodomiro, foi correndo a xunto de Afonso II para darlle nota do achado, e o Rei arranca co seu séquito para ver aquel monte, onde hoxe está a Catedral de Santiago. Os historiadores din que foi o primeiro peregrino desta historia. Durante a súa infancia, o monarca estivera recibindo formación en Samos, no Mosteiro Beneditino, que logo foi, e segue sendo, outro dos emblemáticos lugares do Camiño de Santiago.
Os períodos de decaemento do Camiño xa pasaron e foron longos, pero os seus tempos de esplendor volven cargados de valores. E, en calquera parte de Europa ou en calquera esquina dalgún outro continente, alí está o Camiño de Santiago como sinal de identidade, da concordia e do entendemento entre culturas, relixións e pensamentos. Como crenza de igualdade, de liberdade, de harmonía social e de respecto entre as persoas e entre os pobos.
Para favorecer a esencia desta espiritualidade do Camiño, naceron Asociacións de Amigos, fomentouse a hospitalidade, agrandouse a riqueza cultural, creouse coñecemento e fíxose difusión do mesmo, ata acadar que o Camiño de Santiago sexa entendido como un ben de todos, de todos sen excepción. Dos ricos e dos outros, dos negros e dos brancos, dos homes e das mulleres. Así a Unesco declarou ao Camiño Francés, en 1993, como Patrimonio da Humanidade. E, en 2015, fixo unha ampliación introducindo aos Camiños do Norte.
Milleiros de estudos e de libros publicados dan conta da importancia desta riqueza cultural, espiritual e económica. Autores prestixiosos, escribindo; científicos de renome, investigando, construíndo a historia e marcando os pasos para seguir; divulgadores, falando e soñando, e a mocidade andando xunto aos maiores e aos máis pequenos.
A principios de mes, en Ribadeo, por onde pasa o Camiño do Norte, celebraranse as Xornadas Mar por Medio, organizadas pola Academia Xacobea, coa colaboración da Xunta de Galicia, da Universidade, o Concello de Ribadeo e a Deputación de Lugo. Así será e, como di a Tía Manuela, “alí nos veremos, coa tradición, o Camiño e a súa cultura”.

Outros artigos

“Celebrando a Rosalía de Castro”. Antía Pereira

“Celebrando a Rosalía e o seu día celebramos o que nos une, o que nos representa e o que nos move. Poucas figuras concitan ó seu redor a unanimidade que convoca Rosalía. E iso en boa medida porque ela soubo tocar as cordas, unha a unha, aínda que fose de distinto...

+

“Reto astrolabio”. Alberto Barciela

El mar merece respeto, aun así reclama y admite audacias, quizás motivadas por el horizonte casi infinito. El ser humano, en la búsqueda de sí mismo, de completar inquietudes y afanes, de responder a su curiosidad, acepta con gusto el reto de los nuevos rumbos,...

+

“Paz e despois gloria”. Luís Celeiro

Eles tamén ganaron, aínda que desta vez, como noutras ocasións, houbo perdedoresagochados detrás do parapeto da verborrea ou dese inmenso muro de silencio. Taménhoubo quen, con tristura e desacougo, admitiu a derrota e parece que está en disposiciónde intentalo...

+

Publicidade

Revista en papel

Opinión

Rosmando”. Xulio Xiz

Rosmando”. Xulio Xiz

Sorprendeu Democracia Orensana neste 18F entrando no Parlamento de Galicia por unha porta pequena cun resultado grande. Sorprendeume ver por Televisión a Jácome - do que a pesar de dedicarse á televisión local polo que tiña que caerme simpático, pode máis en...