Barbantia entrega en Lousame, o 16 de decembro, os seus Premios da Cultura 2023

13 Novembro 2023

O vindeiro sábado 16 de decembro a Casa da Cultura do Concello de Lousame vai acoller, a partir das 12.30 horas, a presentación do XIX volume de Barbantia. Anuario de Estudos do Barbanza (2023), impulsado pola asociación cultural do mesmo nome, que acompañará a presentación da revista coa celebración da gala dos XVII Premios Barbantia da Cultura 2023.

Estes galardóns, como vén sendo costume, son elixidos polo escrutinio dos votos das socias e socios da Asociación Cultural Barbantia. Por certo que o 29 de novembro remata a votación. Os votos (un nome por categoría) poden enviarse aos correos electrónicos barbantia@barbantia.es ou pastor@barbantia.es. Tamén se poden enviar ao seguinte enderezo físico: Centro Social, rúa Principal, 77, 4o Andar, 15930 (Boiro).

A cita do 16 de decembro será o gran evento anual da asociación da nosa comarca, na que se van entregar os sereos de Barbantia. As persoas finalmente distinguidas sairán como dixemos dunha listaxe na que aparecen os artistas, escritores, axentes culturais e iniciativas nomeados anteriormente polos socios e socias. Esta listaxe está formada polos seguintes nomes

Premio Barbantia 2023 á Traxectoria Cultural no Barbanza: Esperanza Mara, Xosé Luís Veiras Manteiga e Antonio Pérez Pérez.

Premio Barbantia 2023 á Iniciativa Cultural no Barbanza: Museo Valle-Inclán, Centro Arqueolóxico do Barbanza e Os Menestreis.

Premio Barbantia 2023 da Cultura Galega: Manuel Olveira, Sonia Lebedynski e Carlos Callón.

Presentación do libro sobre Carmiña Sierra

A maiores de todo o devandito, Barbantia estará este 24 de novembro no Centro Cultural Lustres Rivas do Concello de Ribeira presentando o libro Carmiña Sierra. A primeira muller do Seminario de Estudos Galegos, de Aurora Marco, ás 20.30 h.

Outros artigos

Publicidade

Revista en papel

Opinión

“Compartir el éxito de la empresa”. José Castro López

“Compartir el éxito de la empresa”. José Castro López

Conté en comentarios anteriores la historia del italiano, Enzo Rossi, director de unafábrica de pasta, que en el año 2007 se asignó un sueldo de 1.000 euros al mes paraexperimentar en carne propia si era posible vivir con esa cantidad y comprobar así lascondiciones...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.