Amicos e JEALSA celebran este venres 1 de decembro a nova edición do festival inclusivo Festiritititi

27 Novembro 2023

Este 1 de decembro vaise celebrar un dos grandes eventos solidarios e inclusivos da tempada no Barbanza e en Galicia: o Festiritititi, organizado pola asociación da nosa comarca Amicos coa importante colaboración da conserveira local JEALSA.

Nesta sexta edición contarase cun gran número de convidadas e convidados, tanto do tecido social e educativo, como empresarial e institucional da zona. Será este venres 1 de decembro no parque da Cachada en Boiro, ou, no caso de chuvia, no Pavillón de Barraña. Con esta cita Amicos quere celebrar novamente o Día Internacional das Persoas con Discapacidade, aínda que adiantou dous días a conmemoración con respecto a esta efeméride internacional, fixada para o 3 de decembro.

Entre as 11.30 e as 13.30 horas, o parque da Cachada de Boiro acollerá a un gran número de escolares, beneficiarios, cidadáns e representantes institucionais e empresariais. A festa estará aberta a todas as persoas que se animen a celebrar con nós nun evento cheo de actividades, obradoiros, música e moita diversión. O Festiritititi cumpre así a súa sexta edición, cun crecemento constante grazas ao apoio e a participación da sociedade.

Como lembraremos, a edición do ano pasado contou tamén co apoio de JEALSA e veu cunha manchea de actividade para os case mil nenos e nenas da contorna do Barbanza que acudiron a participar nos xogos organizados, todos eles co nexo común de ser inclusivos e estar adaptados ás necesidades cognitivas e motrices das persoas participantes.

O Festiritititi é un festival de inclusión a través do xogo, onde toda a comunidade está convidada: centros educativos, autoridades e familias.


Outros artigos

Martes con nubes e claros

As altas presións irán entrando de xeito progresivo durante esta xornada, de xeito que a estabilidade irá en aumento, o que deixará un día de ceo parcialmente nubrado, con apertura de grandes claros pola tarde. As temperaturas non terán cambios significativos. Os...

+

Presentados os novos párrocos no Barbanza

Este domingo o arcebispo de Santiago procedeu a presentar ós novos párrocos e moderadores das parroquias do Araño, Isorna, Taragoña, Fruime, Boiro, Abanqueiro, Bealo, Cabo de Cruz, Cespón , Cures e Macenda. O arcebispo de Santiago de Compostela, monseñor Francisco...

+

Publicidade

Revista en papel

Opinión

“Sociedad anestesiada”. José Antonio Constenla

“Sociedad anestesiada”. José Antonio Constenla

Bienaventurado el que tiene una oportunidad y la aprovecha, es lo que debiópensar Juan Carlos Unzué, ex guardameta de Osasuna, Barça, Tenerife ySevilla, cuando en una jornada organizada en el Congreso de los Diputadossobre la ELA (enfermedad que le diagnosticaron en...