A Policía de Rianxo extremará este sábado a seguridade nas estradas con motivo do III Rally Ribeira – Ría de Arousa

16 Novembro 2023

A Policía Local de Rianxo compartiu os detalles do dispositivo de seguridade que vai aplicar este sábado 18 de novembro nas estradas municipal con motivo da celebración do III Rally Ribeira – Ría de Arousa, que discorrerá polos concellos do Barbanza (Ribeira, A Pobra, Boiro, Rianxo, Porto do Son e Lousame). Os axentes informaron de que “coa finalidade de garantir a seguridade da proba e das persoas, estará o tráfico cortado en todo ese percorrido dende as 11:30 ás 23:30 horas aproximadamente”.

Estes serán os cortes de tráfico e de accesos que se van aplicar:

-Cerqueiras, Vilar e Campelo : O acceso a estes lugares quedará cortado por discorrer o treito en cuestión pola pista principal de acceso ós mesmos, polo que os veciños que teñan previsto acudir ou saír de ditos lugares deberá facelo con antelación á hora de corte do tramo. Estableceranse dúas franxas nas que será posíbel o acceso/saída destes lugares, que serán ás 15: 30 horas e ás 19:30 horas.

-Ourille: As persoas que teñan previsto desprazarse, retirarán os vehículos para a pista que vai a Pastoriza, podendo utilizar ese itinerario alternativo.

-Pastoriza: A saída e acceso a este lugar será polo itinerario alternativo polos concellos de Boiro e Lousame.

-Acceso aos lugares: O acceso será dende o cruce do Treito ás horas sinaladas, polo que hai que estar con antelación e comunicarllo ao comisario de carreira que se atopa no lugar.

-Saída dos lugares: A saída será dende o cruce de cada lugar co circuíto ás horas sinaladas, polo que hai que estar con antelación e comunicarllo ao comisario de carreira que se atopa en dito cruce.

-Emerxencias Sanitarias: Nos lugares afectados polo circuíto, as emerxencias sanitarias serán atendidas en primeira instancia polas ambulancias que cobren a proba.

-Servizos de Asistencia ó fogar e eventos: A organización facilitará o cumprimento dos servizos e eventos nos horarios habituais. A Policía Local rianxeira prega a colaboración da veciñanza, para que, se hai alguén que teña previsto a utilización dos vehículos nas franxas horarias sinaladas, “se persoe nos lugares de incorporación con antelación suficiente para evitar contratempos e esperas innecesarias”.

Outros artigos

Publicidade

Revista en papel

Opinión

“Manuel ¿para qué sirve la música?”. Manuel Dominguez III

“Manuel ¿para qué sirve la música?”. Manuel Dominguez III

Manuel ¿para qué sirve la música? ¿Te podrías imaginar un mundo, la vida sin música, podrías vivir en ese mundo? Te imaginas ir al campo, y que faltase ese cantar del Mirlo o del Jilguero, que el silencioso fuese, tal silencio que hasta faltase el ulular del viento....

“Pensando nun futuro mellor”. Luís Celeiro

“Pensando nun futuro mellor”. Luís Celeiro

“O mellor está por chegar” é unha expresión que se lle atribúe a aquel recoñecido poeta inglés,Robert Browning (1812-1889), que tantas veces reflexionou sobre o sentido da vida, o paso dotempo e a vellez das persoas e das cousas. Sobre a esperanza no futuro, que vén...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.