A Pobra incentiva as compras na praza de abastos coa campaña “Consigue Caramiñas, Comparte Nadal”

17 Novembro 2023

O Nadal trae consigo unha serie de preparativos onde as comidas constitúen un dos principais focos de atención. Na súa firme aposta por incentiva-las compras do produto da proximidade e pór en valor o mercado municipal e os/as mercadores/as da praza, a Concellaría da Promoción Económica da Pobra do Caramiñal impulsa a campaña Consigue Caramiñas, Comparte Nadal,
que sorteará entre a clientela da praza de abastos o importe da compra da cea da Noiteboa e da fin de ano.
Xunto coa presidenta da Asociación de Profesionais da Praza de Abastos, Noelia Hermo, a concelleira da Promoción Económica, Amparo Cerecedo, declara que esta é a primeira da batería de accións que pon en marcha a Administración local para estas datas. Ademais, fai referencia a que a decoración que loce o mercado municipal é un claro exemplo do espírito propio desta época, de compartir, pois foi elaborada polas persoas usuarias do centro de día, a Asociación de Amas de Casa e rapazada participante no programa socioeducativo Aníma-te.
A campaña estenderase do día 20 de novembro ao 21 de decembro e, por cada dez euros de compra, entregarase un boleto dunha caramiña.
Deberanse cubri-los datos e depositar nunha das urnas que haberá no interior da referida instalación municipal.
Nese tempo efectuaranse dous sorteos: o primeiro será no día 15 e o segundo no día 21. E cada un constará de tres premios: un primeiro de 600 euros, un segundo de 400 euros e un terceiro de 200 euros. Estes serán en formato de vale/caramiñas para trocar por produtos nos postos do mercado (ata o día 23 para a cea da Noiteboa e ata o día 30 para a cea da fin de ano).

Outros artigos

Luns con chuvascos intermitentes diminuindo pola tarde

Tras o paso da fronte da xornada anterior, Galicia queda este luns na área de chuvascos. Agárdase unha xornada de ceo cambiante e chuvias intermitentes que irán remitindo ao final do día; poderán ser de neve por riba dos 1200 metros. As temperaturas seguirán sen...

+

A Pobra prende as luces de Nadal

Numerosa veciñanza achegouse na tarde deste 2 de decembro á praza Alcalde Segundo Durán para asistir ao acto de acendemento do alumeamento do Nadal. Foi un evento organizado pola Concellaría dos Servizos Municipais. Animadas pola charanga Xuntanza e cun dos elfos de...

+

Publicidade

Revista en papel

Opinión

“Amor se escribe con H intercalada, Ahmor”. Manuel Dominguez

“Amor se escribe con H intercalada, Ahmor”. Manuel Dominguez

Me explico, si pronuncias amor, como habitualmente, nada ocurre, pero, si pronuncias amor con h, entonces tienes que inspirar aire, actúas con el diafragma, inhalas e inhalando aire, es el sentimiento del amor. Ese suspiro que causa la h del amor, es único. Me gusta...