A mala previsión meteorolóxica obrigara a adia-la ofrenda cívica e inauguración da segunda exposición ao abeiro das XXV Xornadas de Homenaxe a Valle-Inclán.
Agora xa hai nova data para ámbolos dous actos que quedaban pendentes. No sábado 4, ás 12.00 horas, estrearase na sala de
Iconografía do Museo Valle-Inclán a mostra “Locus amoenus”. Obxectos persoais do escritor, da colección de Xaquín del Valle-Inclán Alsina.
Posteriormente, ás 12.30 horas, a acción desprazarase ao Cantón da Leña coa tradicional ofrenda cívica e ruada a cargo de Trécola.
De haber mal tempo neste día, mantéñense as actividades, pero o transcurso será o seguinte: colocarase o arranxo floral a carón do monumento de Valle-Inclán e o resto do evento desenvolverase no interior da institución museística.
Ao acto asistirán membros da corporación municipal baixo a presidencia do alcalde, José Carlos Vidal, e da concelleira da Cultura, Patricia Lojo; o director xeral da Cultura, Anxo M. Lorenzo; o director do Museo Valle- Inclán, Antonio González; e o investigador Xaquín del Valle-Inclán Alsina.